महाकुंभमेळ्यात भीषण आग…! एकामागून एक सिलिंडरचे ब्लास्ट…!!; अनेक तंबू जळून खाक!

उत्तरप्रदेश – येथील प्रयागराज येथे सुरू असलेल्या महाकुंभ मेळ्यात भीषण आग लागल्याची घटना समोर आली आहे. तंबूत ठेवलेले सिलिंडर सतत ब्लास्ट होत आहेत. या आगीत जवळ जवळ १८ च्या आसपास तंबू जळाले आहेत. आखाड्या समोरील रस्त्यावरील लोखंडी पुलाखाली ही आग लागली असून अग्निशमन दल घटनास्थळी पोहोचले आहे. आग आटोक्यात आणण्याचे प्रयत्न सुरू आहेत.

उपलब्ध माहितीनुसार, प्रयागराज महाकुंभच्या सेक्टर १९ नगरमध्ये भीषण आग लागली. अग्निशमन दलाच्या गाड्या घटनास्थळी पोहोचल्या आहेत. आगीवर नियंत्रण मिळवण्याचे काम सुरू आहे. महाकुंभात अनेक तंबूंना आग लागल्याने गोंधळाचे वातावरण निर्माण झाले आहे. आगीमुळे मंडपात ठेवलेले सामान जळून खाक झाले आहे. आगीवर नियंत्रण मिळवण्याचे शर्थीचे प्रयत्न सुरू आहेत.आगीची माहिती मिळताच अग्निशमन दलाच्या अनेक गाड्या घटनास्थळी पोहोचल्या आहेत. आगीमुळे काळ्या धुराचे लोट संपूर्ण कुंभमेळा परिसरात दिसत होते. ही घटना तुलसी मार्ग सेक्टर १९ येथील असल्याचे सांगण्यात आले. अग्निशमन दलाचे कर्मचारी लोकांना बाहेर काढत आहेत. आग पसरू नये म्हणून जवळपासच्या तंबूत राहणाऱ्या लोकांना बाहेर काढण्यात आले आहे. अनेक झोपड्या जळून खाक झाल्याचं बोललं जात आहे. वरिष्ठ अधिकारीही घटनास्थळी दाखल झाले आहेत.

गीता प्रेस गोरखपूरच्या शिबिरावरही याचा परिणाम झाला आहे. आगीवर अद्याप नियंत्रण मिळालेले नाही. आग अजूनही सतत धुमसत आहे. घटनास्थळी अधिकाधिक रुग्णवाहिका आणि अग्निशमन दलाच्या गाड्या दाखल आहेत. आगीचे कारण अद्याप समजू शकले नाही. सर्व वरिष्ठ अधिकारी घटनास्थळी पोहोचले आहेत. आग विझवण्याचे शर्थीचे प्रयत्न सुरू आहेत.