पाचशे रुपयांच्या बनावट नोटा विक्री करणारे रॅकेट, एकास अटक. अंबड पोलिसाची कारवाई.

नाशिक- सिडकोतील माऊली लॉन्स येथे बनावट नोटा विक्री करणारी टोळी येत असल्याची गुप्त माहिती अंबड पोलिसांना मिळाली असता त्यानुसार या परिसरात सापळा रचून संशयित अशोक अण्णा पगार (45 रा. मेंढी, ता. सिन्नर) याला ताब्यात घेण्यात आले. त्यांची अंग झडती घेतली असता पाचशे रुपयांच्या 30 बनावट नोटा मिळून आल्या. त्यावेळी त्यांच्यासोबत असणारे त्यांचे दोन साथीदार पळून जाण्यास यशस्वी झाले असून फरार आरोपीच्या शोधार्थ पोलीस पथके रवाना झाली आहे. व संशयित अशोक पगार याला ताब्यात घेऊन गुन्हा दाखल केला आहे. त्याच्याकडे अजूनही बनावट नोटा असल्याची दाट शक्यता वर्तवली जात आहे .संशयीतांनी बनावट नोटा प्रिंट द्वारे तयार केल्याचा प्राथमिक अंदाज आहे .त्यानुसार पोलीस आयुक्त मोनिका राऊत व सहाय्यक पोलीस आयुक्त शेखर देशमुख यांच्या मार्गदर्शनाखाली अंबड पोलीस तपास करीत आहेत.