लासलगाव विंचूर ( विंचूर प्रकाशा राज्य मार्ग क्र 7) चौपदरीकण करण्याची पालकमंत्री दादाजी भुसे यांच्याकडे शिवसेना तालुकाप्रमुख प्रकाश सर्जेराव पाटील यांची मागणी

विंचूर प्रकाशा राज्य मार्ग क्र 7 विंचूर आणि लासलगाव या शहरांदरम्यान चौपदरीकरण करण्यात यावे अशी अनेक दिवसांपासून मागणी होत आहे.याबाबत शिवसेनेच्या वतीने पालक मंत्री दादाजी भुसे यांना निवेदन देण्यात आलेे.विंचूर आणि लासलगाव या शहरांदरम्यान दुपदरी रस्ता आहे त्यावर कित्येक वर्षांपासून अनेकदा मागणी करून देखील,कुठलीही ठोस उपाययोजना करण्यात आली नाही.गेल्या पाच वर्षात प्रचंड वाहतूक वाढली आहे.याशिवाय दोन्हीही शहरांमध्ये कृषी उत्पन्न बाजार समिती आहे.यामुळे पहाटे ते रात्री उशीरा पर्यंत शेतमाल वाहतूक करणार्‍या वाहनांची वर्दळ जास्त प्रमाणात असते.लिलाव झाल्या नंतर शेतमालाचे मोजमाप करणारे भुईकाटे देखील याच रस्त्यालगत असल्यामुळे रोड लगत वाहनांच्या रांगा लागतात.
तसेच दैनंदिन वाहतूक देखील मोठ्या प्रमाणात असते.यात अवजड, अति अवजड वाहनांचा समावेश असतो.स्थानिक प्रवाशी वाहतूक देखील मोठया प्रमाणात सुरु असते.एवढी प्रचंड वर्दळ असतांना देखील रस्ता दोन पदरीच आहे.त्यामुळे या रस्त्यावर आजवर अपघातांमध्ये शेकडो नागरीकांना आपले नाहग प्राण गमवावे लागले आहे.तर अनेक नागरीकांना अपंगत्व आलेले आहेत.दररोज अनेक प्रवासी जीव मुठीत धरून या रस्त्याने प्रवास करतात.छोटया मोठ्या अपघातांचे सत्र रोजच सुरूच आहे त्यामुळे अनेक प्रवासी जखमी होत आहे .याची माहिती पालक मंत्री दादा भुसे यांना सविस्तर माहिती देण्यात आली त्यावर दादाजी भुसे यांनी मुख्यमंत्री एकनाथरावजी शिंदे व सार्वजनिक बांधकाम मंत्री रविंद्र चव्हाण यांच्याशी हिवाळी अधिवेशना दरम्यान रस्ता चौपदरीकरणाबाबत चर्चा करणार असल्याचे शिवसेना तालुकाप्रमुख प्रकाश पाटील यांना आश्‍वाषित केले.
तसेच पालकमंत्री दादा भुसे यांच्याकडे या रस्यावरील खड्डे,साईडपट्या कित्येक वर्षांपासून भरल्या गेल्या नाही तसेच अपघात ग्रस्त ठिकाणी स्पिड ब्रेकर देखील नाही डे्रनेज व्यवस्था देखील अर्धवट आहे या बाबत माहिती दिली असता सार्वजनिक बांधकाम विभागाच्या वरिष्ठ अधिकार्‍यांना तात्काळ आदेश करून मनमाड चौफुली-लासलगाव – विंचूर पर्यंत साईडपट्या क्लिनिंग करून भरणे लासलगाव शहरातील काँक्रिट रोडवर पडलले खड्डे भरण्याबाबत तसेच अपघातग्रस्त ठिकाणी थर्मलप्लास्टीक मारणे,पट्टयांवर क्रॅटाइज लावणे,सुचना फलक लावण्याचे आदेश पालकमंत्री दादाजी भुसे यांनी दिले आहे.