रस्ता रुंदीकरण मध्ये गेलेल्या टोप, शिये व संभापुर येथील अतिक्रमण धारक कुटुंबांना पर्यायी जागा व मोबदला मिळावा. वंचित बहुजन आघाडी ची जिल्हाधिकारी यांच्याकडे मागणी.

पुणे बेंगलोर हायवे वरील टोप, शिये व संभापुर येथील रस्ता रुंदिकरण मध्ये गेलेल्या झोपडपट्टीधारकांना पर्यायी जागा व झोपडपट्टीच्या मूल्यांकना नुसार मोबदला मिळावा यासाठी आज जिल्हाधिकारी कार्यालयावर वंचित बहुजन आघाडीच्या वतीने जोरदार निदर्शने करण्यात आली.
पुणे – बेंगलोर महामार्गावर शिये, टोप व संभापूर येथे 1980 पासून वास्तव्यास असलेल्या वडर समाज्या च्या शंबर हून अधिक झोपड्या 1980 पासून वास्तव्यास आहेत.मात्र नुकतेच रस्ता रुंदीकरणा मध्ये झोपडपट्ट्या हटवण्याचे आदेश झाले व मात्र या सर्वांना पर्यायी जागा व त्याचा मोबदला न देता झोपडपट्टी हटवण्यास सुरुवात झाली.
वांचित बहुजन आघाडीचे स्थानिक कार्यकर्ते व जिल्हा संघटक तानाजी काळे व जिल्हा सचिव मां प्रताप ताराळ,महिला आघाडी अध्यक्षा वासंती ताई म्हेतर व जिल्हा कोषाध्यक्ष विकास बाचने यांना याची माहिती मिळाली व ते त्या ठिकाणी भेट देवून त्या सर्व अतिक्रमण धारकाना दिलास दिला व सोबत जिल्हाधिकारी कार्यालय गाठले.
जिल्हाधिकारी कार्यालयावर जोरदार निदर्शने करून निवेदन दिले.जिल्हाधिकारी यांनी तत्काळ चौकशीचे आदेश दिले.
वंचित बहुजन आघाडी च्या कार्यकर्त्यांच्या सतर्कतेमुळे चौकशीचे आदेश झाले.या वेळी जिल्हाध्यक्ष विलास कांबळे, जिल्हा महासचिव पुंडलिक कांबळे, जिल्हा महासचिव महादेव कुंभार, जिल्हा संघटक तानाजी काळे, जिल्हा कोषाध्यक्ष विकास बाचने, करवीर तालुका अध्यक्ष भिमराव गोंधळी, महिला आघाडी जिल्हाध्यक्षा वासंती ताई म्हेतर हातकणंगले तालुका अध्यक्षा गीता कांबळे जिल्हा सह सचिव जयेश कांबळे, जिल्हा सह सचिव प्रताप ताराळ आदी पदाधिकारी व कार्यकर्ते उपस्थित होते.