नाशिक महामार्गावरील पिंपळगाव टोल नाक्या जवळ एका टँकरला चाळीसगाव आगाराच्या बसने मागून धडक दिल्याने अपघात झाला . या अपघातात चालक व वाहकासह जवळपास 27 प्रवासी जखमी झाले. हा अपघात रविवारी दुपारच्या सुमारास झाला. पिंपळगाव बसवंत पोलिसांनी दिलेल्या माहितीनुसार जळगाव जिल्ह्यातील चाळीसगाव आगाराची बस जळगाव कडून मुंबईच्या दिशेने जात असताना पिंपळगाव बसवंत शहरातील टोल नाका परिसरात बस ने एका रसायन घेऊन जात असलेल्या टँकरला मागून जोरदार धडक दिल्याने हा अपघात झाला . वाहकाचे बस वरील नियंत्रण सुटल्याने ही धडक बसल्याची प्राथमिक माहिती असून या धडकेमध्ये बसमधील चालक ,वाहकासह जवळजवळ 27 प्रवासी जखमी झाले. त्यांना पिंपळगाव शहरातील खाजगी रुग्णालयात दाखल करण्यात आले आहे. जखमी झालेले प्रवासी चाळीसगाव , मालेगाव , नाशिक येथील आहेत .अपघात घडताच पिंपळगाव टोलनाका प्रशासन महामार्ग पोलिसासह पिंपळगाव पोलीस ठाण्याचे पोलीस घटनास्थळी जाऊन मदत कार्य केले . जखमी प्रवाशामध्ये गणेश निकम, जयश्री निकम, प्रशांत निकम, लक्ष्मण बाविस्कर, विमल वाणी, दिनेश अहिरे, राजेंद्र पाटील, सुरेखा येवले, हितेश आहेर, सर्व राहणार चाळीसगाव . निकिता, विशाल ,संतोष कुमार पांडे ,वैभव कुमावत ,अविनाश राठोड ,प्रकाश अमृतकर, मंगला रायते, सर्व राहणार नाशिक. गायत्री बैरागी, पूजा पवार ,मनीषा पवार ,भूमी बैरागी, संध्या बैरागी, कोमल बच्छाव, संगीता बरगडे ,गोपाळ खैरनार ,योगेश खैरनार ,प्रदीप खैरनार, गफ्फार शेख, रजिया शेख, सर्व राहणार मालेगाव आधीसह चालक ,वाहकांचा जखमीत समावेश आहे.
