नकली नोटा छापणऱ्या एकाला अटक एमआयडीसी पोलीस ठाण्यात गुन्हा दाखल युट्युब वरून पाहून घरात छापल्या नकली नोटा

जळगाव शहरात युट्युब वरून पाहून घरात भारतीय चलनाच्या नकली नोटा छापणाऱ्या संशयिताल पोलिसांनी एमआयडीसीतील व्ही सेक्टर मधून बुधवारी १ मार्च रोजी दुपारी ३ वाजता छापा टाकून अटक केली आहे. त्याच्याविरोधात एमआयडीसी पोलीस ठाण्यात गुन्हा दाखल करण्यात आला आहे.

देविदास पुंडलिक आढाव, (वय-३०) रा. कुसुंबा तालुका जि जळगाव, असे अटक केलेल्या संशयित आरोपीचे नाव आहे. पोलीस सूत्रांकडून मिळालेली माहिती अशी की, संशयित आरोपी देविदास आढाव हा भारतीय चालनाच्या नकली नोटा तयार करून ते बाजारात वापर करत असल्याची गोपनी माहिती विभागीय पोलीस अधिकारी संदीप गावित यांना मिळाली. त्यानुसार त्यांनी संशयित आरोपीला पकडण्याच्या सूचना दिल्या. सूचनेप्रमाणे रामानंदनगर पोलीस ठाण्याचे पोलीस उपनिरीक्षक गोपाल देशमुख, पोलीस नाईक रेवानंद साळुंखे, चंद्रकांत पाटील, पो.कॉ विजय जाधव, सचिन साळुंखे, यांनी कारवाई केली. एमआयडीसीच्या व्ही सेक्टर मध्ये सापळा रचून नकली नोटा
वापरात बाजारात देत असल्याची खात्रीलायक सूचना मिळाली. त्यानुसार पोलिसांनी दुपारी ३ वाजता संशयित आरोपी देविदास पुंडलिक आढाव, याला रंगेहात पकडून अटक केली त्याच्याजवळ असलेल्या कापडी पिशवी जवळपास ४६ आजाराचे नकली नोटा आढळून आल्या. त्याची चौकशी केली असता युट्युब वर नोटा छापण्याचे पाहून या नकली नोटा छापले आहे. असे त्याने सांगितले. या प्रकरणी पो.कॉ सचिन साळुंखे, यांनी दिलेल्या फिर्यादीवरून बुधवार १ मार्च रोजी रात्री १० वाजता एमआयडीसी पोलीस ठाणे संशयित आरोपी देविदास पुंडलिक आढाव यांच्या विरोधात गुन्हा दाखल करण्यात आला आहे पुढील तपास पोलीस कर्मचारी करीत आहे