नवरात्रीच्या आठव्या दिवशी लाखो भाविकांची मांदीआळी…पहिली पायरी या ठिकाणी दर्शन घेऊन माघारी फिरणे पसंद केले

आज रविवार, २२ ऑक्टोबर, शारदीय नवरात्रीचा आठवा दिवस. शारदीय नवरात्रीच्या आठव्या दिवशी, देवीचे आठवे रूप महागौरीची पूजा केली जाते. नवरात्रीमध्ये देवीच्या नऊ रूपांची पूजा केली जाते. नवरात्रीच्या आठव्या दिवसाला खूप महत्त्व आहे. या दिवशी कन्यापूजाही केली जाते. महागौरीने श्वेत रंगाचे वस्त्र आणि दागिने परिधान केले आहेत. तिला चार हात आहेत आणि बैल तिचे वाहन आहे. महागौरी हे देवी पार्वतीचेच एक रूप आहे. पौराणिक कथेनुसार, पार्वतीने भगवान महादेवांची कठोर तपस्या केल्यानंतर त्यांना पती म्हणून प्राप्त केले होते. महागौरीच्या उपासनेने साधकाला धन, वैभव, सुख-समृद्धी प्राप्त होते. महागौरीला प्रसन्न करण्यासाठी सर्व मंगल मांगल्ये, शिवे सर्वार्थ साधिके, शरण्ये त्रयंबके गौरी नारायणी नमोस्तुते या मंत्राचा जप केला जातो.

आद्य स्वयंभू शक्तीपीठ श्री क्षेत्र सप्तशृंगगड येथे नवरात्रोत्सवाच्या संबोधल्या जाणाऱ्या सप्तशृंगीदेवीचा शारदीय नवरात्रोत्सवात रविवारी सकाळी ७ वाजता दुर्गाअष्टमी निमित्त देवीच्या सुवर्ण अलंकाराची विश्वस्त संस्थेच्या मुख्यकार्यालयातून शेकडोंच्या उपस्थितीत मिरवणूक काढण्यात आली. शारदीय नवरात्रीच्या आठव्या (अष्टमी) दिवशी हजारो भाविकांनी भक्तिमय वातावरणात देवीचे दर्शन घेत श्री सप्तशृंगी देवीच्या चरणी नतमस्तक झाले. यावेळी श्री सप्तशृंग देवीची पंचामृत महापूजा ही केंद्रीय आरोग्य मंत्री सौ भारती ताई पवार व श्री सप्तशृंग निवासिनी देवी ट्रस्टचे विश्वस्त डॉ प्रशांत देवरे यांनी सपत्नीक केली.अष्टमीच्या दिवशी नियोजित असलेला पालखी सोहळा देवी संस्थान कार्यालयातून शिवालय तलाव या ठिकाणी महापूजा आरती करून या ठिकाणाहून पालखी मार्गस्थ करून गावातून पहिली पायरी या ठिकाणी आरती करून पूर्ण गावाला नगर प्रदक्षिणा करून देवी संस्थान कार्यालयात पालखी मिरवणूक थांबवण्यात येते

श्री सप्तशृंग निवासिनी देवी ट्रस्टच्या प्रसादालयात सुमारे २५ हजार भाविकांनी महाप्रसादाचा लाभ घेतला. भाविकांना सुरक्षित दर्शन घेण्यासाठी ट्रस्टच्या मार्फत व्यवस्था करण्यात आली आहे. नवरात्र उत्सव दरम्यान विश्वस्त संस्थेचे मुख्य व्यवस्थापक प्रशासन प्रतिनिधी, कर्मचारी व पुजारी वर्ग तसेच स्थानिक ग्रामस्थ यांसह जिल्हा प्रशासनाने विविध विभाग विशेष परिश्रम घेत आहेत.