फुले मार्केटमध्ये दहशत निर्माण करणाऱ्या गुन्हेगारांची पोलिसांनी काढली धिंड
जळगाव शहरातील फुले मार्केट परिसरात हॉकर्स आणि व्यापाऱ्यांच्या वाद झाला होता. यात एका व्यापाऱ्याला दोन जणांनी धमकावले होते. दरम्यान शहर पोलिसांनी धमकावणाऱ्या दोघांवर कारवाई करत शुक्रवारी ३ फेब्रुवारी रोजी फुले मार्केट मधून धिंड काढली.
सूत्रांकडून मिळालेली माहिती अशी की, महात्मा फुले मार्केट मध्ये गुरुवारी २ फेब्रुवारी रोजी सकाळी १० वाजेच्या सुमारास एका व्यापारी त्याचे दुकान उघडत असताना चाकू दाखवत दमदाटी व धमकावल्याची घटना घडली होती. यामुळे संतप्त व्यापारी धारकांनी दुपारी पासून फुले मार्केट बंद ठेवून निषेध व्यक्त करत महापालिका आयुक्त पोलीस अधीकक्ष आणि जिल्हाधिकारी यांना निवेदन दिले होते. दमदाटी व धमकावण्यासंदर्भात शहर पोलीस ठाण्यात कोणतीच तक्रार आलेली नव्हते.
शहर पोलीसांत दुपारी कोणत्या व्यापाऱ्याने तक्रार दिली नव्हती. सायंकाळी एक व्यापारी दुकानातून डब्बा घेत असताना दोघांनी त्याला धमकावले होते. या प्रकरणात देखील कोणीही पोलिसात तक्रार केली नाही. शुक्रवारी ३ फेब्रुवारी रोजी सकाळी शहर पोलीस ठाण्याचे पोलीस निरीक्षक विजय ठाकूर वाड, पोलीस उपनिरीक्षक दत्तात्रेय पोटे, शोध पथकातील पोलिस कर्मचारी यांनी धमकी देणाऱ्या मनीष अरुण इंगळे ( वय-१८) रा. वाल्मीक नगर व गणेश उर्फ डेब्या दिलीप सोनवणे, (वय-२०) रा. वाल्मिक नगर जळगाव यांच्यावर प्रतिबंधात्मक कारवाई करुन फुले मार्केट परिसरातून धिंड काढली होती
