मानवस्पर्श सेवाभावी संस्थेच्या वतीने जिल्हा परिषद प्राथमिक शाळा, तळेगाव रोही येथे विद्यार्थ्यांना शैक्षणिक साहित्य वाटप करण्यात आले.
मुख्य संपादक राहुल वैराळ
मानवस्पर्श सेवाभावी संस्था, लासलगाव या सामाजिक संस्थेच्या वतीने जिल्हा परिषद प्राथमिक शाळा, तळेगाव रोही शाळेतील १५५ विद्यार्थ्यांना हासुरे इंग्रजी प्रायमर , मराठी सचित्र बालमित्र अंकलिपी ,मिक्स वही,पेन्सिल, खोडरबर, पट्टी इ.शैक्षणिक साहित्याचे वाटप करण्यात आले.
संस्थेने २०१६ पासून विविध सामाजिक उपक्रम राबविले असून शहिद जवान कुटुंब, समाजातील गरीब, दिव्यांग,गरजू व्यक्ती, दिपावली फराळ वाटप,शेतकरी आत्महत्याग्रस्त कुटुंबातील सदस्य यांना मदत करण्यात आली. आजपर्यंत संस्थेच्या वतीने १८ जिल्हा परिषद प्राथमिक शाळेतील हजारो विद्यार्थ्यांना शैक्षणिक साहित्याचे वाटप करण्यात आले आहे.
कार्यक्रमाचे प्रास्ताविक संस्थेचे विश्वस्त प्रा.अरुण देवढे सर यांनी केले. त्यांनी संस्थेच्या वतीने राबविण्यात येत असलेल्या सामाजिक उपक्रमांची सविस्तर माहिती दिली तसेच,विद्यार्थी व शिक्षक यांना मोलाचे मार्गदर्शन केले. कार्यक्रमाचे अध्यक्षस्थान प्रविण भोकनळ (अध्यक्ष, शालेय व्यवस्थापन समिती) यांनी भूषविले .संस्थेचे अध्यक्ष केशवराव जाधव, उपाध्यक्ष योगेश न्याहरकर, खजिनदार सूर्यकांत जाधव विश्वस्त प्रा.अरुण देवढे सर, तसेच,गावचे सरपंच भाऊसाहेब जिरे, ग्रामपंचायत सदस्य राजेंद्र पाटील, सुकदेव केदारे, शालेय व्यवस्थापन समिती सदस्य योगेश रोकडे,गावचे पोलिस पाटील अविनाश अहिरे, गोरख वाकचौरे,मुख्याध्यापक सुहास फेगडे,शिक्षक ज्ञानेश्वरी राणे,भूषण निंबाळकर, विकास चेंडके,बालिका धिंडोळे हे मान्यवर उपस्थित होते.या उपक्रमासाठी अनंत सोमवंशी (अमेरिका), ज्ञानेश्वर शिंदे(पुणे), सचिव प्रा.सुनिल देवढे, कार्याध्यक्ष ऍड.सुनिल वाघचौरे, विश्वस्त समीर देवढे सर, डॉ.शशिकांत देवढे, सोपान जाधव, ज्ञानेश्वर देवढे, सुरेखा देवढे, सभासद गोरख देवढे सर,प्रताप आढाव सर,सचिन शेलार सर, नवनाथ कोकणे यांचे बहुमोल सहकार्य लाभले.कार्यक्रमाचे सूत्रसंचालन भुषण निंबाळकर सर यांनी तर आभार शाळेचे मुख्याध्यापक सुहास फेगडे यांनी मानले. कार्यक्रमास विद्यार्थी, पालक व ग्रामस्थ मोठ्या संख्येने उपस्थित होते.
