लोकसभेच्या निवडणुकीत महायुतीमध्ये अमरावतीच्या जागेवर वाद सुरू आहे ,प्रहार संघटनेचे आमदार बच्चू कडू यांनी महायुतीच्या उमेदवार नवनीत राणा यांच्या विरोधात उमेदवार उभा करण्याचे निश्चित झाले आहे. अशातच आज बच्चू कडून ना तुमचा केजरीवाल करू अशी धमकी एका पत्राद्वारे देण्यात आली आहे , “जास्त उड उड करू नको , तुला ही केजरीवाल सारखं जेलमध्ये टाकेल , नाहीतर उडवून टाकेल ” अशी चिठ्ठी सापडली आहे . प्रहार जनशक्ती पक्षाचे आमदार बच्चू कडू यांना उघडपणे धमकी देण्यात आली आहे. आज नेहरू मैदानात अज्ञात इसमांकडून गर्दीतही चिठ्ठी मिळाली आहे या चिठ्ठी मुळे एकच खळबळ उडाली आहे. हे चिठ्ठी कोणी आणि का लिहिली याची अजून माहिती मिळू शकली नाही. याप्रकरणी महानगर प्रमुख बंटी रामटेके यांनी कोतवाली पोलीस ठाण्यात तक्रार दिली आहे .कोतवाली पोलिसांनी अज्ञात व्यक्ती विरोधात गुन्हा दाखल करून मैदानातील सीसीटीव्ही फुटेज च्या आधारे तपास सुरू करण्यात आला आहे.
